18 Mar 2019 14:05
Bangkuna & Lingkobong

Kartu Rakyat

MyPassion

-Kuna, iwes so ada kartu rakyat?

+So ada dari dua taong lalu. Iwes dang?

-Bulung ba urus. Nintau depe cara.

+Nintau depe cara ato malas mo baurus?

-Kira-kira begitulah. Soalnya malas ba antre, kita suka capat kwa.

+Dasar Katoang, musti ba antre no. Iwes kira dorang cuma layani alipuru rupa iwes ini?

-Mar, kita tau kwa masih banyak orang kampung bulung baurus kartu rakyat.

+Kiapa iwes baku iko deng orang yang malas baurus?

-Kage kwa mahal mo bayar?

+Bayar iwes pe testa? Nyanda bayar alias gratis, Logong!

-Oh bagitu dang? Dorang bilang kwa mahal mo bayar kartu rakyat.

+Dorang siapa? Tagal itu, jangan langsung parcaya orang pe mulu losmonde.

-Kalu bagitu kita somo pigi baurus dang. Mar, kase akang doi ojek.

+Taibalao, bajalang jo, cuma dekat le. ***

Kirim Komentar